 |
Wisconsin Medicaid Fact Sheet
Tuberculosis-(TB) Related Medicaid
PDF (90
KB)
|
TB-Related Medicaid pab them ib feem cov nqi ntawm kev kho mob ntsws qhuav lossis tej kab mob ntsws qhuav.
Tus uas yuav tau txais TB-Related Medicaid, nws yuav tsum tau nyiaj hlis thiab muaj khoom vaj khoom tsev (asset) txog li uas txoj cai teem tseg xwb thiab nws kis tau tus kabmob ntsws qhuav
lawm. Rau ib tus neeg twg, cov nyiaj hlis tseem tsis tau txiav se uas tau los (gross) tsis pub tshaj
$1,433 thiab khoom vaj khoom tsev tsis pub tshaj $2,000. Rau tus menyuam hnubnyoog 18 xyoos rov hauv thiab tseem nyob hauv
tsev, niamtxiv cov nyiaj hlis thiab khoom vaj khoom tsev yuav raug coj los xam nrog nws kev
tsimnyog.
TB-Related Medicaid TSUAS YOG pab them kho mob ntsws qhuav nkaus xwb. Tej kev pab yog:
- Them cov kws khomob tej nqi tes.
- Them cov tshuaj uas tau ntawv los ntawm tus kws tshuaj.
- Them nqi tshuaj ntshav tshuaj zis thiab xoos hluav taws xob.
- Them nqi pab los ntawm cov tsev kho mob me (clinic).
- Them kev pab los txhawb kom kev kho mob ntsws qhuav tiav log, thiab/lossis
- Them kev pab txog kev fab tej tshuaj kho mob ntsws qhuav.
Lus Tshab Ntxiv: TB-Related Medicaid tsis them cov nqi pw thiab noj haus hauv tsev kho mob loj.
Yog koj xav ntsuam seb koj puas tsimnyog tau txais TB-Related Medicaid, mus tso ntaub ntawv thov tom tuamnroog lub chaw saib kev pabcuam nyob hauv koj lub
zos. Yog koj xav nrhiav seb lub chaw saib kev pabcuam nyob qhov twg, hu rau
Member Services hauv 1-800-362-3002 lossis mus saib hauv Department of Health Services lub web site hauv
http://dhs.wisconsin.gov/em/imagencies/index.htm.
Yog Xav Paub Ntxiv
- Hu rau Member Services hauv 1-800-362-3002 (TTY thiab muaj kev pab txhais lus).
- Tuamnroog lub chaw saib kev pabcuam nyob hauv koj lub zos, lossis
- Lub chaw saib kev noj qab haus huv (public health department) nyob hauv koj lub zos.
Department of Health Services (DHS) yog ib qho chaw ua haujlwm thiab pab neeg yam tsis xaiv ntsej xaiv
muag. Yog tias koj muaj tej yam tuncua (disability) thiab xav tau cov ntaub ntawv qhia no ua lwm hom
ntawv, lossis xav kom muab txhais ua lwm hom lus, thov nug tau hauv (608)-266-3356
(suab) lossis 1-888-701-1251 (TTY). Kev pabcuam txhais ntawv txhais lus tag nrho yog pab dawb dawb
xwb.
Yog muaj lus nug txog cov cai pejxeem, hu rau (608) 266-9372 (suab) lossis
1-888-701-1251 (TTY).
P-10022H (07/09)
| 
